တစ်အသင်္ချေ ခြားပြီး ကောဏ္ဍညမြတ်စွာဘုရားရှင် ပွင့်တော်မူသောအခါ ဂေါတမမြတ်စွာဘုရား
အလောင်းတော်သည် ဝိဇိတာဝီ အမည်ရသော စကြာမင်းအဖြစ် စန္ဒဝတီပြည်မှာ အုပ်စိုး မင်းလုပ်ပါတယ်။
အဲဒီအခါမှာ ကောဏ္ဍညမြတ်စွာဘုရားရှင်ဟာ ရဟန္တာပေါင်း
ကုဋေတစ်သိန်းခြံရံပြီး ဒေသစာရီကြွတော်မူခဲ့ရာက နောက်ဆုံး စန္ဒဝတီပြည်ကို ရောက်တဲ့အကြောင်းကို
အလောင်းတော်စကြာမင်းသိတဲ့အခါ မြတ်စွာဘုရား သီတင်းသုံးဖို့အတွက် ကျောင်းကိုစီစဉ်ပေးပြီးတော့
မနက်ဖြန်နံနက် ဆွမ်းစားကြွဖို့ မြတ်စွာဘုရားအမှူးပြုတဲ့ သံဃာတော်အားလုံးကို ပင့်ခဲ့ပါတယ်။
ဒါနဲ့ နောက်တနေ့နံနက် အလှူပြီးလို့ ဆွမ်းအနုမောဒနာတရား ဟောပြီးတဲ့အခါ သဒ္ဓါထက်သန်လာတာနဲ့
“ဘုန်းတော်ကြီးမြတ်လှသော မြတ်စွာဘုရား အရှင်ဘုရားသည် ဤတစ်ဝါတွင်းလုံး စန္ဒဝတီပြည်မှာ
သီတင်းသုံးပြီး လူအပေါင်းကို ချီးမြှောက်တော်မူပါဘုရား” ဆိုပြီးတော့ တစ်ဝါတွင်းလုံး မြတ်စွာဘုရားအမှူးပြုတဲ့
သံဃာတော်အပေါင်းကို အလှူကြီး ပေးလှူပါတယ်။
အဲဒီအခါမှာ ကောဏ္ဍညမြတ်စွာဘုရားက အလောင်းတော် ဝိဇိတာဝီစကြာမင်းကို “သင်သည်
ဤကမ္ဘာမှ နောက်ထပ် သုံးအသင်္ချေနဲ့ ကမ္ဘာတစ်သိန်းလွန်သောအခါ ဂေါတမဆိုတဲ့ ဘွဲ့အမည်နဲ့ ငါကဲ့သို့
ဘုရားစင်စစ် ဧကန်ဖြစ်လိမ့်မယ်” ဆိုပြီးတော့ ဗျာဒိတ် ပေးတော်မူပြီး တရားကို ဆက်ဟောတဲ့ခါ
သဒ္ဓါတရားတွေ ဆက်လက်တိုးတက်လာတဲ့အတွက် ဘုရားအဖြစ်ကို ရအောင် အားထုတ်မယ်ဆိုပြီးတော့
ထီးနန်းစည်းစိမ်ကို မြတ်စွာဘုရားရှင်အား လှူဒါန်းပြီး ကောဏ္ဍညမြတ်စွာဘုရားရှင်ထံတော်မှာ ရဟန်းပြု
ပိဋကတ်သုံးပုံကို သင်ယူတော်မူပါတယ်။ ဆက်လက်ပြီး ဈာန်တရားကို အားထုတ်တဲ့ခါ အဘိညာဉ်ငါးပါးကို
ရပြီးတော့ သေလွန်တဲ့ခါ အာဘဿရာ ဗြဟ္မာ့ပြည်ကို ရောက်ပါတယ်။
ကောဏ္ဍညမြတ်စွာဘုရား ဖွားတော်မူရာမြို့တော်အမည်မှာ ရမ္မာဝတီမြို့တော်၊ ခမည်းတော်မှာ
သုနန္ဒမင်း ဖြစ်ပြီး မယ်တော်မှာ သုဇာတာဒေဝီမိဖုရားဖြစ်ပါတယ်။ လက်ယာတော်ရံ အဂ္ဂသာဝကမှာ
ဘဒ္ဒမထေရ်ဖြစ်ပြီး လက်ဝဲတော်ရံအဂ္ဂသာဝကမှာ သုဘဒ္ဒမထေရ် ဖြစ်ပါတယ်။ အလုပ်အကျွေးပြုသူမှာ
အနုရုဒ္ဓမထေရ် ဖြစ်ပြီး ပွင့်တော်မူရာ ဗောဓိပင်မှာ ကြောင်ရှာပင် (နဘဲပင်) ဖြစ်ပါတယ်။
လူတို့၏သက်တမ်းမှာ တစ်သိန်းတမ်းဖြစ်ပြီး အလောင်းတော်သည် အနှစ်တစ်သောင်းအထိ ထီးနန်းစိုးစံကာ
ရုစိဒေဝီမိဖုရားကြီးမှ ဝိဇိတသေန မည်တဲ့ သားတော်ကို ဖွားမြင်ပြီးနောက်
နိမိတ်ကြီးလေးပါးကိုမြင်ပြီး တောထွက်တော်မူသောအခါ ကုဋေနှစ်ဆယ်သောသူတို့သည် အလောင်းတော်ကို
အတုလိုက်ပြီး တောထွက် ရဟန်းပြုကြပါတယ်။ ဒုက္ကရစရိယကို ဆယ်လ ကျင့်ကြံပြီးနောက် ဘုရားဖြစ်မဲ့ နေ့မှာ
သုနန္ဒရွာသူ ယသောဓရာသူဌေးသမီး ကပ်လှူသော နို့ဃနာဆွမ်းကို ဘုန်းပေးပြီးနောက် အခြံရံတွေကို
စွန့်ခွာပြီး မဟာဗောဓိပင်ကို ကြွသွားတော်မူတဲ့ခါ သုနန္ဒတက္ကတွန်းလှူတဲ့ မြက်ရှစ်ဆုပ်ကို
အလှူခံတော်မူပါတယ်။
ဘုရားဖြစ်ပြီးနောက် ဓမ္မစကြာတရား ဟောတဲ့ခါ တစ်ဆယ့်ရှစ်ယူဇနာဝေးတဲ့
အရုန္ဓဝတီမြို့ ဒေဝဝနနတ်သစ်ပင်တောမှာရှိကြတဲ့ အလောင်းတော်ကို အတုလိုက်ပြီး ရဟန်းဝတ်သော
ကုဋေနှစ်ဆယ်သော ရဟန်းတို့ကို အမှူးပြု ဟောတော်မူပါတယ်။ စန္ဒာရာမဥယျာဉ်တော်တွင်
ပရိနိဗ္ဗာန် ဝင်စံတော်မူကာ သက်တော်ရှည်မြတ်စွာဘုရားရှင်တို့ ဓမ္မတာအတိုင်း အဓိဋ္ဌာန်ကြောင့်
ဓါတ်တော်များမှာ တစုတည်းတပေါင်းတည်း တည်ရှိပါတယ်။
https://www.facebook.com/mudonwaingaung
ဇော်ထက်မောင်
0 comments:
Post a Comment