ဆုတ်ယုတ်ပြီး တဖန်အသင်္ချေယျတမ်းသို့ တက်သွားပြန်လေသည်။
ထိုအသင်္ချေယျတမ်းမှ ခြောက်သောင်းတမ်း (၆၀၀၀၀) သို့ ရောက်လာသောအခါ တုသိတာနတ်ပြည်ရှိ
အလောင်းတော်နတ်သားသည် ဘုရားဖြစ်ရန်အတွက် လူ့ပြည်ရှိ အနောမနေပြည်တော်ကို အစိုးရသော
သုပ္ပတီတမင်းကြီး၏ ယသဝတီမိဖုရားကြီးထံတွင် ပဋိသန္ဓေယူတော်မူလေသည်။ ၁၀ လစေ့သောအခါတွင်
အနုပမာဥယျာဉ်တော်တွင်း၌ ဖွားမြင်တော်မူလေသည်။ ဖွားမြင်သောအချိန်တွင် လူများသည်
ကြည်နူးနှစ်သက်ကြ၍ သာယာသောအသံတို့ကိုသာ ပြုလုပ်ကြသောကြောင့် ဝေဿဘူမင်းသားဟု
အမည်ပေးကြလေသည်။
ထီးနန်းစည်းစိမ်ကို အနှစ် ခြောက်ထောင် (၆၀၀၀) ပတ်လုံး သုစိတ္တဒေဝီမိဖုရားကြီးနှင့်အတူ
စံစားတော်မူလေသည်။ ထို့နောက် အလောင်းတော်မင်းသားသည် သူအို၊ သူနာ၊ သူသေ တို့ကို
အစဉ်တိုင်း တွေ့ပြီးနောက် ရဟန်းနိမိတ်ကို မြင်သောနေ့တွင် မိဖုရားကြီးမှ သားတော်
သုပ္ပဗုဒ္ဓမင်းသားကို ဖွားမြင်တော်မူလေသည်။ ရဟန်းနိမိတ်ကိုမြင်ပြီး ဖြစ်သောကြောင့်လည်း
ထိုနေ့ညတွင်ပင် ရွှေထမ်းစင်ကို စီးလျက် တောထွက်တော်မူလေသည်။
အလောင်းတော်ဝေဿဘူမင်းသားကို အားကျသော ယောက်ျား သုံးသောင်းခုနစ်ထောင် (၃၇၀၀၀)
တို့လည်း အတုလိုက်၍ ရဟန်းဝတ်ကြလေသည်။၏
အလောင်းတော်ရဟန်းသည်လည်း ထိုရဟန်းတော်များ ခြံရံလျက်ပင်
ဒုက္ကရစရိယာကို ခြောက်လကြာအောင် ကျင့်တော်မူလေသည်။ နောက်ဆုံး ဘုရားဖြစ်မည့် ကဆုန်လပြည့်
နံနက်ပိုင်းတွင် အခြံရံရဟန်းတော်များကို စွန့်ခွာသွားလေသည်။ ထို့နောက် သုစိတ္တရွာသို့
ဆွမ်းခံကြွတော်မူရာ သိရိဝဍ္ဎနာသူဌေးသမီးလှူဒါန်းသော နို့ဃနာဆွမ်းကို ရရှိတော်မူလေသည်။
ဆွမ်းဘုန်းပေးပြီးနောက် ညနေချမ်းအချိန်တွင် မဟာဗောဓိပင် (အင်ကြင်းပင်) သို့ ကြွတော်မူရာ
လမ်းခရီးအကြားတွင် နရိန္ဒနဂါးမင်းလှူဒါန်းသော မြက်ရှစ်ဆုပ်ကို အလှူခံ ရရှိတော်မူလေသည်။
ဒေဝပုတ္တမာရ်နတ်ရန်ကို နေမဝင်မီတွင် အောင်တော်မူကာ ပုဗ္ဗေနိဝါသာနုဿတိဉာဏ်တော်၊
ဒိဗ္ဗစက္ခုဉာဏ်တော်နှင့် အာသဝက္ခယဉာဏ်တော်တို့ကို ရရှိတော်မူကာ နေအာရုဏ်တက်သည်နှင့်
သဗ္ဗညုတဉာဏ်တော်သခင် ဘုရားစင်စစ် ဖြစ်တော်မူလေသည်။ သတ္တသတ္တာဟ လေးဆယ့်ကိုးရက်
စံနေတော်မူပြီးနောက် ဗြဟ္မာမင်းမှ တရားဦးဟောရန် တောင်းပန်သဖြင့် တရားဦးဟောရန်အတွက်
သင့်တော်သူကို ဆင်ခြင်တော်မူလေသည်။ ထိုအခါ ကိုယ်တော်မြတ်နှင့် မိကွဲဖတူ
ညီတော်နှစ်ပါးဖြစ်သော သောဏမင်းသားနှင့် ဥတ္တရမင်းသား (အဂ္ဂသာဝကလောင်းလျာများ)
တို့ကိုမြင်တော်မူသဖြင့် ထိုမင်းသားနှစ်ပါးရှိရာအရပ်ဖြစ်သော ၁၈ ယူဇနာဝေးကွာသည့် အနုပမာမြို့အနီး
အရုဏဥယျာဉ်တော်ကြီးတွင်း၌ ဓမ္မစက္ကပဝတ္တနသုတ္တံကို
ဦးစွာပထမ ဟောကြားတော်မူလေသည်။ ဝေဿဘူမြတ်စွာဘုရားရှင်၏
အဂ္ဂသာဝကမထေရ်မြတ် နှစ်ပါးမှာ သောဏမထေရ်နှင့် ဥတ္တရမထေရ်တို့ဖြစ်ပြီး
အလုပ်ကျွေးရဟန်းမြတ်မှာ ဥပသန္တမထေရ် ဖြစ်လေသည်။
ဥသဘဝတီမြို့အနီးရှိ ခေမဥယျာဉ်တော်ကြီးတွင် ပရိနိဗ္ဗာန်ဝင်စံတော်မူကာ အဓိဋ္ဌာန်ချက်ကြောင့်
ဓါတ်တော်များမှာ အစိတ်စိတ် အမွှာမွှာဖြစ်၍ ဇမ္ဗူဒိပ်ကျွန်းတခွင်တွင် အပူဇော်
ခံယူတော်မူကြလေကုန်သည်။
ဝေဿဘူမြတ်စွာဘုရား ထင်ရှားစွာပွင့်တော်မူလာသောအချိန်တွင် သရဘဝတီမြို့၌
ရုပ်အဆင်းတင့်တယ်သော သုဒဿနမင်းတပါး အုပ်ချုပ်၍ နေလေသည်။
ထို့နောက် ဝေဿဘူမြတ်စွာဘုရားရှင်သည် ထိုအရပ်သို့ ကြွလာသောအခါ
သုဒဿနမင်းသည် မြတ်စွာဘုရားရှင်၏ တရားတော်ကို ကောင်းစွာ နာကြားတော်မူလေသည်။
တရားနာပြီးသောအခါ စိတ်နှလုံး ကြည်လင်၍ သဒ္ဓါတရားများ တိုးပွားလာသဖြင့် ဘုရားအမှူးရှိသော
သံဃာတော်တို့အား သင်္ကန်းနှင့်တကွ အလှူကြီး ပေးလေသည်။
သရဘဝတီမြို့တွင် ဝေဿဘူမြတ်စွာဘုရားရှင်
သီတင်းသုံးနိုင်ရန်အတွက် ကျောင်းတိုက်ကြီးကို ဆောက်လုပ်ကာ မြတ်စွာဘုရားရှင်၏ ကျောင်းတော်ကို
ဝန်းရံ၍ ကျောင်းပေါင်းတစ်ထောင် ဆောက်လုပ်လှူဒါန်းပြန်လေသည်။ သဒ္ဓါတရား
အင်မတန်ကောင်းလှသော မင်းဖြစ်သဖြင့် ထိုမျှနှင့် အားမရသောအခါ မိမိ၏ ထီးနန်းစည်းစိမ်ကိုပါ စွန့်ပြီး
ရဟန်းပြုတော်မူလေသည်။ ဓုတင် ၁၃ ပါးလုံးကို ကောင်းစွာကျင့်တော်မူကာ မပျင်းမရိပဲ
တရားတော်ကို ကောင်းစွာ အားထုတ်သောအခါတွင် ဈာန်အဘိညာဉ်များကို ရတော်မူလေသည်။ ထိုအခါ
သုဒဿနရဟန်းတော်၏ စိတ်ထဲတွင် ဘုရားဖြစ်ချင်စိတ်များ ဖြစ်ပေါ်လာသဖြင့် ပါရမီတော်တို့ကို
ဆည်းပူးချင်စိတ်များ ဖြစ်ပေါ်လာသောအခါ ဝေဿဘူမြတ်စွာဘုရားရှင်က သုဒဿနရဟန်းတော်ကို
“ချစ်သား၊ သင်သည် ယခုအချိန်မှစ၍ ရေတွက်လျှင် နောက်ထပ် ကမ္ဘာပေါင်း သုံးဆယ့်တစ်ကမ္ဘာကို
လွန်၍ သုံးဆယ့်နှစ်ကမ္ဘာ မြောက်သောအခါ ဘုရားငါးဆူပွင့်မည့် ဘဒ္ဒကမ္ဘာ၌ ဂေါတမဆိုတဲ့ဘွဲ့အမည်နဲ့
ဘုရားစင်စစ်ဖြစ်လိမ့်မည်” ဟု ဗျာဒိတ်ပေးတော်မူလေသည်။ ထိုဗျာဒိတ်တော်ကို ကြားသော
အလောင်းတော် သုဒဿနရဟန်းမြတ်သည်လည်း စိတ်ကြည်လင်ဝမ်းမြောက်တော်မူကာ
ပါရမီတော်တို့ကို ကောင်းစွာ ဖြည့်ကျင့်တော်မူလေသည်။
0 comments:
Post a Comment